الوداع

بدي احكي كلمة من قلب موجوع عن حبّ طاهر ما بيعرف الخداع والدموع قلتي عني كذّاب، وقلبي فيك مش مخلص وانا بحبك أكتر من روحي وما يوم نقّص أنا شغلي أخدني، والهمّ حملته بإيدي ركضت ورا لقمة العيش ونسيت حالي مش بإيدي مش لأنّي نسيتك أو قلبي عنك تاب بس كنت عم بني مستقبل لعيونك يا أعز الأحباب انتي قلتي المال سرقني وصرتي تعتبيني وما شوفتي جرحي ووحدتي وأنتِ جوّاتي ساكنيني أنا تعبت كرمال حبّنا وما بدّي إلا رضاكِ وأنا لو بدي الدنيا، ما بتغلى لحظة لولاكِ الذهب اللي بتفكريه غاية وهدف للحياة هو وسيلة عيش، بس الحبّ هو النجاة…

تعبت من الدنيي بدونك، يا هوا الروح والحنين قلبي بكي بغيابك، والعمر صارله سنين يا شمعة بوسط الظلام، ضوّيتي أيامي وينك؟ مشتاقلك، وين غيابك ياما؟ بعيد عني والليل طويل، ما بينام قلبي بلاك كل نجمة بتشهد شوقي، وكل نسمة بتناديلك هناك بحكيلك بعتمة الليل، عن حبّي اللي كبر فيني بس لو تسمع نبض قلبي، كنت تعرف شو فيّ. يا روحي، كيف بتنسى؟ كيف بتغيب وبتروح؟ حبي إلك مش كلمة، هوي دمع العيون والروح ما في غيرك ملك قلبي، وما في غيرك دوا الجروح يا جنة عمري وحياتي، وينك؟ ارجع خليني أرتاح. بعاتبك من كتر الحب، مو من قلة إحساس يا…